Атбасарда 34 жастағы ер адам көпқабатты үйдің бесінші қабатынан құлап кетті, деп хабарлайды Todayinfo.
Ол өте ауыр жарақат алып, ауруханаға жеткізілген. Ер адамның құлаған сәтін куәгерлер видеоға түсіріп алған.
Бейнежазбада көрінгендей ер адам әуелі пәтердің сыртында терезенің жақтауынан ұстап, салбырап тұрған.
Кейіннен ол төменге құлап түскен.
Жергілікті ақпарат көздері оның өміріне қауіп төніп тұрғанын, барлық ішкі органдары зақымданып, миы шайқалып, қатты шок алғанын хабарлады.
Аталған оқиғаға қатысты Ақмола облыстық полиция департаменті тергеу жұмыстарын бастағанын мәлімдеді. Қазіргі уақытта оқиғаның мән-жайы анықталып, процессуалдық шешім қабылдау үшін тексеріс жүргізілуде.
Фото:скрин
