Ақордада Астанаға ресми сапармен келген Болгария Президенті Румен Радевті салтанатты қарсы алу рәсімі өтті, деп хабарлайды Todayinfo.
Мемлекеттер басшылары бір-біріне ресми делегация мүшелерін таныстырды. Құрмет қарауылының бастығы рапорт берген соң екі елдің мемлекеттік әнұрандары шырқалды.
Бұған дейін, 8-9 маусым күндері Қазақстанға Мемлекет басшысы Қасым-Жомарт Тоқаевтың шақыруымен Болгария президенті Румен Радев ресми сапармен келетіні хабарланған еді.
Ақорда мәліметінше, жоғары деңгейдегі келіссөздер барысында қазақ-болгар сауда-экономикалық және инвестициялық ынтымақтастығын дамыту перспективалары талқыланады.
Фото: Ақорда
