АҚШ-тың жаңа көмек пакеті бүгін жариялануы мүмкін, деп хабарлайды Associated Press. 24 тамызда Украинада Тәуелсіздік күні аталып өтеді.
– Жаңа пакетке Әуе қорғанысы жүйелеріне арналған зымырандар, HIMARS снарядтары, Javelin танкке қарсы кешендері, 155 мм және 105 мм калибрлі артиллериялық снарядтар, электронды атыс құралдары кіреді, — делінген басылымда.
Бұған дейін Мәскеуге 10 дронмен шабуылд жасалғаны хабарланған болатын.
Мәскеу мэрі Сергей Собянин дрондардың шабуылын «осыған дейінгілердің ең ауқымдысы» деп атады.
Айта кетейік, бұған дейін Украина президенті Владимир Зеленский өз әскері Курск облысындағы 92 елдімекенді бақылап отырғанын айтқан болатын.
Сондай-ақ, 10 мыңнан астам ресейліктер Украинаның Қарулы Күштері Курск облысында шабуыл жасай бастағаннан кейін эвакуацияланғаны хабарланды.
Еске сала кетейік, Украинаның Қарулы күштері Курск облысында 6 тамызда шабуыл жасады.
Бас қолбасшы Александр Сырский 15 тамызда украин күштері Ресей Федерациясының Курск облысының 82 елді мекенін және 1150 шаршы шақырым аумақты бақылап отырғанын айтты.
Украинаның қауіпсіздік қызметінің басшысы Василий Малюк 14 тамызда Ресейдің Курск облысында 100-ден астам ресейліктер тұтқынға алынғанын жеткізді.
