Ұлттық қауіпсіздік комитетінің Сыбайлас жемқорлыққа қарсы іс-қимыл қызметі көлік вице-министрі Сәтжан Аблалиевті пара алды деген күдікпен ұстады, деп хабарлайды todayinfo.kz.
Сыбайлас жемқорлыққа қарсы іс-қимыл қызмет Сәтжан Аблалиевті сот санкциясымен қамауға алды.
Ресми мәліметте күдіктінің аты-жөні аталмағанымен, дереккөздер бұл Сатжан Аблалиев екенін алға тартады. Оған пара алды деген айып тағылып отыр. Сот күдіктіге қатысты қамауға алу бұлтартпау шарасын санкциялады. Тергеу аясында ҰҚК тінту сәтінен видеоны жариялады. Кадрлардан вице-министрдің ірі көлемдегі ақшаны вазаға жасырып қойғанын көруге болады.
Бұл жайт қоғамда қызу талқыға түсті.
“Қылмыстық-процестік кодекстің 201-бабына сәйкес өзге ақпарат жария етуге жатпайды”, – деп мәлімдеді Ұлттық қауіпсіздік комитеті.
