Ақтаудағы №31-үйде 13:00 шамасында полиция пәтерлердің бірінен ер адамның мәйітін тапты. Оқиға орнына 10 полиция экипажы жиналған, деп хабарлайды Тodayinfo ақпараттық порталы.
Күдікті өзіне қол жұмсады
Жедел-іздестіру іс-шаралары барысында құқық қорғау органдары пәтердегі оқиғаға қатысы бар күдіктіні анықтады. Бейнебақылау камераларынан күдікті ер адамның көлігімен кетіп бара жатқан сәті тіркелген.
Полиция күдіктінің мекенжайын анықтап, оқиға орнына жеткенде, оның өзіне қол жұмсағанын анықтады. Күдікті сол жерде қайтыс болған.
Қылмыстық іс қозғалды
Оқиғаға қатысты ҚР Қылмыстық кодексінің 99-бабы (кісі өлтіру) және 105-бабы (суицидке дейін жеткізу) бойынша сотқа дейінгі тергеу басталды. Полиция оқиғаның барлық мән-жайын анықтауға кірісті.
