2025 жылғы 29 шілде күні сағат 19:00 шамасында Ақтау қаласының 27-шағын ауданында қайғылы жағдай орын алды, деп хабарлайды Todayinfo.
Куәгерлердің айтуынша, 4-үйдің жоғары қабаттарының бірінен әйел адам құлап, төмендегі қоқыс жәшігіне түскен. Оқиға орнына жедел жеткен құқық қорғау органдары мән-жайды анықтай бастады.
Кейбір деректерге сүйенсек, марқұмның үстінде қою көк түсті, арнайы формаға ұқсас киім болған.
Қылмыстық іс қозғалып, тергеу жүргізілуде
Маңғыстау облыстық полиция департаменті қайғылы жайтқа байланысты ресми түсініктеме беріп, ҚР Қылмыстық кодексі аясында іс қозғалғанын растады.
«Осы оқиға бойынша қылмыстық іс қозғалды. Тергеу жүргізілуде», — деп хабарлады департаменттің баспасөз қызметі.
Қазіргі таңда оқиғаның нақты себептері мен мән-жайы анықталу үстінде. Оқиғаға куә болған тұрғындардан жауап алынып, бейнебақылау материалдары зерттеліп жатыр.
