Ақтауда жолаушы ұшақ бортында «SCAT» әуе компаниясының қызметкерін ұрып жіберді, деп хабарлайды Todayinfo Lada-ға сілтеме жасап.
20 сәуірде түнгі 00:05 шамасында Ақтауға қонған «SCAT» әуе компаниясының рейсінде жолаушы жанжал туғызған.
Куәгерлердің сөзінше, жолаушы салонда ұялы телефонын тастап, өзі сыртқа шығып кеткен. Кейін қайта айналып келіп ұшақ бортына кірмекші болады. Сол кезде оны бортсерік тоқтатып, басқа жолаушылар толық шыққанша күтуін сұраған.
Алайда ескертуге құлақ аспаған ер адам әуе компаниясы қызметкерінің бетінен ұрып жіберген.
Фото: Lada.kz
