25 желтоқсан күні Ақтау қаласының маңында Azerbaijan Airlines әуе компаниясына тиесілі Embraer ERJ-190 ұшағы апатқа ұшырады. Ұшақта болған жолаушылардың бірі апат алдында түсірілген видеоны жақындарына жіберген. Бұл туралы Todayinfo.kz хабарлады.
Видеодағы көрініс
Telegram-каналдар арқылы таралған видеода ұшақ салонындағы жағдай көрсетілген. Жолаушылар арасында алаңдаушылық байқалып, кейбірі дұға оқыса, өзгелері өзара сөйлесіп, не болып жатқанын түсінуге тырысқан. Видеоны ұшақ жолаушысы Субхон Рахимов түсіріп, жұбайына жіберген.
View this post on Instagram
Әуе апатының мән-жайы
Embraer ERJ-190 ұшағы Баку қаласынан (Әзербайжан) Грозныйға (Ресей) бағыт алған. Алайда Грозныйдағы қатты тұманға байланысты ұшақ Махачқалаға, кейін Ақтауға жіберілген. Ұшақ Ақтауға қонуға бірнеше минут қалғанда апатқа ұшырады.
Апаттың мүмкін себептері
Апат себебі бойынша бірнеше нұсқа ұсынылуда:
- Құстармен соқтығысу: Ұшақ құстар тобына соғылған болуы мүмкін.
- Техникалық ақау: Ұшақ бортындағы оттегі баллоны жарылып, басқару жүйесі істен шыққан.
Ұшақ «чрезвычайная ситуация» (emergency squawk 7700) сигналын жіберіп үлгерген.
View this post on Instagram
Жолаушылар және экипаж туралы ақпарат
Ұшақта барлығы 69 адам болған:
- 42 адам – Әзербайжан азаматтары;
- 16 адам – Ресей азаматтары;
- 6 адам – Қазақстан азаматтары;
- 3 адам – Қырғызстан азаматтары;
- Екі белгісіз әйел (жастары шамамен 32 және 40-тар).
Апаттан 29 адам аман қалды, олардың ішінде Әзербайжан, Ресей және Қырғызстан азаматтары бар.
Ұшақ туралы мәлімет
Апатқа ұшыраған Embraer ERJ-190 ұшағы – екі қозғалтқышты реактивті әуе кемесі, қысқа және орташа қашықтықтағы рейстер үшін қолданылады. Бұл үлгідегі ұшақтар 96-дан 114-ке дейін жолаушы тасымалдай алады. Аталған ұшақ Каспий теңізі үстінде төтенше жағдай туралы сигнал берген.
