Ақтөбеде учаскелік инспектор проблеманы шешу үшін 1 миллион теңге талап еткен. Оның бұл әрекеті сотқа дейін жетіп, сақшыға үкім шығарылды. «Диапазон» басылымының мәліметінше, тәртіп сақшысы қылмысқа қатысыт жоқ адамнан ақша талап еткен.
Қалалық полиция бөлімінің 23 жастағы учаскелік инспекторы сотталушы орындығына отырды. Қылмыстық іс материалдарынан оның танысы алаяқтық туралы іс бойынша жауап алу үшін бөлімге жеткізілгені айтылады.
«Учаскелік полиция бұл істің болашағы туралы, әрі ұсталған адамның қылмысқа қатысы жоқ екенін білгенмен, оған бұл туралы айтпаған. Ал одан 1 миллион теңге талап етіп, істің оң шешілетініне уәде берген. Келіссөздер барысында полицей бұл соманы 500 мың теңгеге дейін азайтады, бірақ оның 300 мыңын үш күннен кейін беруі керек болды», — деп жазады аталмыш басылым.
Танысы келіскендей кейіп танытқанмен, бірден сыбайлас жемқорлыққа қарсы қызметтің call-орталығына хабарласты. Сыбайлас жемқорлықпен күресушілер полицейді келісілген соманың бір бөлігін алғаннан кейін ұстады.
Полиция қызметкері алаяқтыққа ұмтылғаны үшін сотталды. Айыпталушы кінәсін толық мойындады және оны бас бостандығынан айырумен емес, айыппұлмен жазалауды сұрады, ал ата-анасында айыппұлды төлейтін ақша бар екенін атап өтті. Сот учаскелік сотты алаяқтық үшін кінәлі деп тауып, 2,2 миллион теңге айыппұл салып, мемлекеттік қызметте жұмыс істеуге өмір бойына тыйым салды. Сондай-ақ, сот үкімі бойынша аға лейтенант атағынан айырылады.
