Арман сатқын емес, батыр! Дикий Арман лақап атымен танымал Жұмагелдиев президент Тоқаевқа осылай деп сәлем жолдады. Қаңтар оқиғасына қатысы бар деген айыппен қамауда жатқан Арман Жұмагелдиев өзіне қатысты ақпараттық соғыстың тоқтатылуын талап етіп, ашық сот отырсын өткізуді сұрады, деп хабарлайды Todayinfo.
Екі жылдан бері қамауда жатқан Дикий Арман өзін айыпты санамайтынын, әрекеттеріне бола ұялмайтынын айтқан. Қатыгездігімен аты шыққан Жұмагелдиев өзінің беделін түсіретін ақпараттық шабуылдарды тоқтатуға шақырды. Түрмеден жолданған хатты оның адвокаты Елена Жигалёнок баспасөз мәслихатында оқып берді.
«Күш құрылымдары мен олардың қол астындағы БАҚ тарапынан мені қаңтар оқиғасындағы тәртіпсіздіктерді ұйымдастыруға кінәлі қылығысы келетін ақпарат тасқынына байланысты Президент және Қазақстан халқына жүгінемін. Олар қылмыстық істерді бұрмалап және мені мемлекет пен бейбіт халықты қорғаған патриоттарды жамандау үшін үгіт-насихат фильмдерін түсірді», -делінген оның үндеу хатында.
Қапаста жатқан күдіктінің соты жабық есік жағдайында өтіп жатыр. Дикий Арман, бұның себебін өзіне тағылған айыптардың өтірігі шығып қалатындығымен түсіндірді. Үндеуде ол өзінің сатқын емес , батыр екенін айтуды да ұмытпаған.
«Өкінішке орай, прокурорлар мен жәбірленушілер жабық сотқа жүгінді: олар барлық кір мен бұрмаланудың ашылып қалатынын біледі және адамдар батырдың кім екенін де, қорқақ сатқынның кім екенін де біледі. Мен ұялатын ештеңе жоқ — керісінше! Мен ең қиын уақытта заңның жағында болғанымды және өз елімді қорғағанымды мақтан тұтамын. Алланың қалауымен Президентке қантардағы барлық бассыздықтар анықталып және ол менің барлық дәлелдерімді тексереді деп үміттенемін. Сонда ол Арманның сатқын емес, батыр екенін түсінеді», -деді күдікті.
Дикий Арман атымен танылған Арман Жұмагелдиев 2022 жылдың 7 қаңтарында ұсталды. Бас прокуратураның мәліметінше, Дикий Арманға қанды қаңтар кезінде адам ұрлаған, ұрған және өлтірген деген айыптар тағылған.
