АСТАНА. Todayinfo.kz — Елордада ауыл шаруашылығы өнімдерінің жәрмеңкелері басталды. 30 тамыздан бастап 26 қазанға дейін әр сенбі-жексенбі күндері қазақстандық шаруалар астанаға өз өнімдерін әкеліп сатады, деп хабарлады қала әкімдігі.
Жәрмеңкеде не сатылады?
Фермерлер тұрғындарға жаңа жиналған көкөніс, жеміс-жидек, ет пен сүт өнімдерін делдалсыз, қолжетімді бағамен ұсынады.
Алдағы демалыс күндері Түркістан облысының өндірушілері елордаға 600 тоннадан астам өнім жеткізуді жоспарлап отыр:
-
200 тонна көкөніс,
-
100 тонна ет және ет өнімдері,
-
100 тонна сүт тағамдары,
-
80 тонна бақша өнімдері,
-
50 тонна жеміс,
-
19 тонна балық,
-
12 мың дана жұмыртқа және 60 тоннаға жуық өзге де азық-түлік.
Қайда және қашан өтеді?
Жәрмеңке «Казанат» ипподромы аумағында (Қарқаралы тасжолы, 1) ұйымдастырылады.
-
Уақыты: сағат 09:00-ден 18:00-ге дейін;
-
Қоғамдық көлік: №18, №37 және №303 автобустар бағытталады.
Қосымша шаралар
Әкімдіктің хабарлауынша, жәрмеңке барысында елорда тұрғындары мен қонақтарына арналған концерттік бағдарлама да өтеді.
