Фото: Үкімет
Астанада жаңа стадион құрылысы үшін 17,3 млрд теңге бөлінеді. Бұл қаражат қайтарылған активтер есебінен қаржыландырылып, 2025 жылдың соңына дейін нысанның құрылысы аяқталады, деп хабарлайды Todayinfo агенттігі.
Орталық стадион Қ. Мұңайтпасов атындағы стадион 1936 жылы салынған. Алайда, ғимараттың апатты жағдайына байланысты ол бұзылып, орнына жаңа спорт кешені тұрғызылуда.
Жаңа стадион 3 598 көрерменге арналған, оның ішінде мүмкіндігі шектеулі азаматтарға арнайы орындар қарастырылған. Нысан UEFA халықаралық стандарттарына сәйкес салынатын болады.
Құрылысы аяқталғаннан кейін стадион Астана қаласының №8 Олимпиадалық резервтегі мамандандырылған балалар мен жасөспірімдер спорт мектебінің балансына беріледі.
