Фото: Qumash
Қарағандының вокзал маңындағы саябағына орнатылған «Атам, әжем және мен» атты мүсін қала азаматтарының ашуын туғызды, деп хабарлайды Todayinfo.kz ақпарат агенттігі.
ekaraganda.kz сайтының жазуынша, бұл үш мүсін жазда түрлі-түсті қалыпта тұрған еді. Бірақ, қалалық саябақтарды басқару басқармасы мүсіндердің бәрін бір түске боямақ болып, ескерткіштің түр-әлпетін бұзып тастаған.
Азаматтар қала билігінің бұл әрекетін сынап, «мүсінді боямас бұрын, ақылдасу керек» еді дейді. Қаланың саябақтарды басқару басқармасы азаматтардың арыз-шағымын тыңдап, жауап берген.
«Мүсіндердің бәрін басқа саябақтағы мүсіндердің түсімен бірдей ету үшін оларды алтын түске бояу туралы шешім қабылданды. Осы арқылы мүсіндердің түрін жақсартып, оларды күтіп ұстауға мүмкіндік туады. Әрине, кейде бұндай шешім дау тудырады, бірақ, уақыт өте келе саябақ қала азаматтарының сүйікті орнына айналады», — деп жауап берген басқарма.
Қала азаматтары болса мүсін жақсарудың орнына адам көргісіз күйге түсті деп санайды.
