2025 жылдың 27 тамызында танымал әнші Әли Оқапов пен «Илигай» тобының солисті, жұбайы Ақерке Бүркітбай бейнежазба жариялап, елдің жаңа жұлдызына айналған «Қайрат» командасының қақпашысы Темірлан Анарбеков туралы пікір айтты, деп хабарлайды Todayinfo.kz ақпарат агенттігі.
34 жастағы Әлидің сөзінше, матчтан кейін үйіне келгенде Ақеркесінің ерекше қуанып отырғанын байқаған. Себебін сұрағанда ол: «Атырау, шеркеш» деп қысқа жауап берген.
«Кешегі «Қайраттың» қаһарманы, қақпашы Темірлан Анарбеков – Еркенің жерлесі екен. Тіпті бір рудан болып шықты», – деді әнші бейнежазбада.
Ал 32 жастағы Ақерке болса, қазақстандық қақпашыға қолдау білдіріп, ақ тілегін арнады:
«Кім болса да, қай рудан болса да, сондай бір ерекше мақтаныш сезімі оянады. Оның ата-анасының жүрегінде қазір қандай шаттық барын елестету қиын. Бүкіл қазақстандықтар қуанып, мақтанып отыр. Оған сәттілік серік болып, еңбегі лайықты бағалана берсін», – деді ол.
Фото: Instagram/aliokapov/anarbekov.temirlan77
