Фото: видео скриншот
Әлеуметтік желілерде Атырауда ер адамның балалар алаңында ойнап жүрген 9 жасар балаға себепсізден-себепсіз шабуыл жасап, соққыға жыққаны туралы ақпарат тарады, деп хабарлайды Todayinfo.kz
Оқиға Алмагүл шағынауданында болғаны хабарланды. Куәгерлердің айтуынша, ер адам баланы ұрып, оқиға орнынан ізін суытқан. Оқиға орнынан түсірілген видео әлеуметтік желілерде жарияланды.
Атырау облыстық полиция департаментінің мәліметінше, аталған дерек бойынша қылмыстық іс қозғалған. Қазіргі уақытта күдіктінің тұлғасы мен орналасқан жері анықталып жатыр.
«Бейнебақылау камераларының жазбалары зерделеніп жатыр. Оқиғаның куәгерлері сұрақ-жауапқа алынды. 9 жасар жәбірленуші жеңіл дене жарақатын алған, оған психологиялық көмек көрсетіліп жатыр», – деп хабарлады ведомство.
