Атырау полициясы жекеменшік мектептің дәретханасында болған оқиғаны тергеп жатыр, деп хабарлайды Todayinfo Alash-қа сілтеме жасап.
«Тағылым» жекеменшік мектебінің 11-сынып оқушысы үйіне басын жарып алып барған. Отбасына мектеп дәретханасында тайып жығылдым деп айтқан.
Алайда, кейінірек туыстары қызды құрдастары итеріп жібергенін естіген.
Туыстарының айтуына қарағанда, мектеп болған жағдайды жылы жабуға тырысты деп отыр. Олар аққан қанды жуып, оқушылардың ешкімге айтпауын өтінген.
Әкімшілік бұл оқушылар арасындағы жанжал деді. Сондай-ақ қыздың «тайып кеткенін» мәлімдеді. Ішкі тергеу жалғасып жатыр.
Полиция қылмыстық іс қозғап, күдікті анықталды.
Фото: Freepik
