Фото: Атырау облысының әкімдігі
Дәстүрлі түрде 3-ші мәрте өткізіліп жатқан форумға Қазақстанның барлық облысынан және Ресей, Қырғызстан, Әзірбайжан мен Өзбекстан елдерінен келген 14 пен 35 жас аралығындағы 300-ден астам адам қатысуда, деп хабарлайды Todayinfo.kz ақпараттық агенттігі.
— Бұл екі күндік форум еліміздің креативті индустриясына тың серпін беретініне сенеміз. Жастарымыз тек шикізат пен өндіріс саласы емес, өздерінің ақыл-ойы мен креативті бастамалары арқылы да ел экономикасына үлес қосуға болатынын дәлелдеуде. Осы ортаға жиналған креаторлар Қазақстанды жаңа деңгейге көтеруге өз үлестерін қосатынына сенімдімін. Форум жұмысына сәттілік тілеймін,– деді облыс әкімінің орынбасары Дарын Шамұратов.
Іс-шарада креативті индустриялар, технология және жастар саясаты салаларындағы белгілі республикалық деңгейдегі сарапшылар мен мамандар семинар өткізеді. Жастар кинемотография, музыка, IT және жасанды интеллект, маркетинг, театр мен хореография салалаларында тәжірибе алмасады.
Әр бағыт бойынша қатысушылар арасында конкурстар өтеді. Жұмыстары үздік танылған алты жасқа 500 000 теңге көлемінде ақшалай сыйақы табысталады.
