Қазақстанда бір айда 4,5 мың адам шекара заңнамасын бұзды.
Ұлттық қауіпсіздік комитеті Шекара қызметінің мәліметінше, 2024 жылғы шілдеде шекарада 4 560 заңнама бұзушы ұсталған. Оның ішінде 35 шетел азаматы шекараны бұзғаны үшін ұсталса, 38 шетелдік шекараны бұзып өтпек болған.
Мемлекеттік шекара арқылы 1 612 заңсыз алып өту фактілерінің алды алынды, соның ішінде:
-
- 51 – есірткі заттары;
- 111 – ату қаруы мен оқ-дәрілер (2 дана пневматикалық және 206 дана суық қарулары, 77 дана оқ-дәрілер);
- 26 – діни әдебиет (5 351 дана);
- 424 – жалпы сомасы 17 млн теңгеден асатын жанар-жағармай материалдары (37 мың литрден астам);
- 835 – жалпы сомасы 2,6 млрд теңгеден асатын тұтыну тауарлары;
- 165 – жалпы сомасы 1,4 млрд теңгеден астам шетел валютасы.
Каспий акваториясында 39 браконьерлік фактілерінің алды алынды, сондай-ақ:
-
- 27 дана жүзу құралы;
- жалпы ұзындығы 16,2 шақырым тор түрінде браконьерлік аулау құралдары;
- 12 дана (4,5 келі) бекіре тұқымдас балық;
- 3 481 дана (9 723 келі) балық;
- 82 дана суда жүзетін тасбақа;
- 12 дана суда жүзетін құс;
- 1 дана каспий итбалығы.
Алды алынған залал көлемі – 42,5 млн теңге.
