2025 жылдың 9 ақпанында Харбин қаласында өтіп жатқан IX қысқы Азия ойындарында этникалық қазақ спортшы Баян Жалынқызы шаңғы жарысында 5 шақырымдық еркін стильде 12 минут 07.5 секунд нәтижемен бірінші орынға ие болды.
Баян Жалынқызы 1999 жылы Қытайдың Шыңжаң-Ұйғыр автономиялық ауданына қарасты Алтай округінің Жеменей ауданында дүниеге келген. Бұл өңір қысқы спорт түрлерінің дамуы және этникалық қазақтардың көп шоғырлануымен танымал.
Айта кетейік, бұған дейін Қытай құрамасындағы этникалық қазақ Самғар Серік Азия ойындарында шаңғы спортының спринт бағдарламасында қола жүлдегер атанған болатын.
Бұл жетістіктер этникалық қазақ спортшыларының халықаралық ареналарда жоғары нәтижелерге қол жеткізіп, өздерінің шеберліктерін дәлелдеп келе жатқанын көрсетеді.
