Өзбекстанның Науаи облысында сегізінші сынып оқушысы босанды, деп хабарлайды Todayinfo.
Nova24.uz мәліметіне сүйенсек, Карман ауданындағы №15 мектептің оқушысына сабаққа келмесе де, директордың бұйрығымен баға қойылғаны белгілі болды.
Облыстың мектепке дейінгі және мектептегі білім басқармасы бұл жағдайға қатысты түсініктеме беріп, сабаққа келмеген оқушыларға баға қойған мұғалімдерге тексеру жүргізілетінін мәлімдеді.
«Қазіргі таңда құқық қорғау органдары бұл оқиғаны тексеріп жатыр. Тергеу аяқталғаннан кейін қосымша ақпарат беріледі», – деп хабарлады ведомство.
Бұл жағдай білім беру саласындағы бақылау мен тәртіптің әлсіздігін көрсетіп, қоғамда үлкен алаңдаушылық тудырды.
