Ақтауда Балаларды қорғау күніне арналған мерекелік шарада тегін балмұздаққа таласқан топтың ішіндегі балалар жоғалып кетті, деп хабарлайды Todayinfo Lada-ға сілтеме жасап.
Куәгерлердің алдын ала мәліметінше, «Толқын-1» шағынауданындағы «Abu Baby» балалар киім дүкенінің алдында жергілікті кәсіпкер балаларға тегін балмұздақ пен тәтті мақта таратып, ойын-сауық ұйымдастырған.
Тегін асқа жүгіргендер бір- бірін таптап кете жаздаған. Көпшілік жиналған орында бірнеше бала жоғалып кеткен.
Қазір оқиға орнында полиция қызметкерлері жұмыс істеуде, тәртіпті қадағалауда.
Қалалық әкімдік пен полиция департаменті әзірге жағдайға қатысты ресми түсініктеме берген жоқ.
