Балқашта туристік ауылдарға арналған магистральді су құбырының құрылысы басталды. Тұрғындар мен кәсіпкерлер ауыз сумен қамтамасыз етуді бірнеше жыл күтті.
Балқаштан Торанғалыққа дейінгі су құбырын салу туризмді дамыту үшін де маңызды. Шұбартүбек елді мекені де сумен қамтамасыз етіледі. Магистральды су құбырының құрылысын бастауға республикалық бюджеттен қаржыландыру бөлінді. Сондай-ақ туркластерлерге кәріз қажет.
Жаңа жобалар, жоспарлар мен мүмкіндіктер туралы Қарағанды облысының әкімі Ермағанбет Бөлекпаевтың басшылығымен Балқашта өткен көшпелі кеңесте айтылды.
– Туризм – өңір экономикасының маңызды бағыттарының бірі. Президенттің тапсырмасы бойынша біз туристік ағынды дамытуға жүйелі көзқарас қалыптастырудамыз. Тек өткен жылы ғана туристер саны 28%-ға, ал қызмет көрсету көлемі 70%-ға өсті, – деп атап өтті Ермағанбет Бөлекпаев.
Атқарылған жұмыстар мен туризмнің болашағы туралы Балқаш әкімі Сапар Сатаев баяндады. Соңғы екі жылда қалада 44 шақырым су құбыры желісі ауыстырылды, курорттық аймақтарда 13 санитарлық-гигиеналық модуль орнатылды, тағы үшеуі тартылып жатыр.
Жағалау мен туристік ауылдарда 36 камера жұмыс істейді.
Инвесторларды тарту үшін Бертыс бұғазы ауданындағы жер учаскелеріне түгендеу жүргізілді.
Бүгінгі таңда Балқашта туризмді дамыту үшін аукцион арқылы ұсынылатын 106 га бос жер бар.
Сондай-ақ, облыс әкімінің тапсырмасы бойынша Алматы – Екатеринбург автожолы ауданында жол бойындағы сервисті дамыту үшін бизнес нысандарының құрылысына қосымша жер телімдерін, кәріз желілерінің құрылысына және сумен жабдықтауға ЖСҚ бөлу бойынша жұмыстар жүргізілуде.
– Біздің мақсатымыз – Балқашты тек біздің елден ғана емес, шетелден де туристерді тарту нүктесіне айналдыру. Біз құрылыс жүргізіп қана қоймай, алға көз салып, трендтерен озып отыруымыз қажет, – деп атап өтті Сапар Сатаев.
Өткен жылдың басынан бастап Балқашта бес жаңа туристік нысан ашылды, 36 жұмыс орны құрылды. 2025 жылдың соңына дейін жалпы инвестиция көлемі 1,5 млрд теңгеге жуық болатын тағы үш кешен қосылады.
Қалада туризмді жаңа форматта дамытуға барлық мүмкіндіктер бар.
Жазда болатын ерекше оқиға – маусым айында өтетін үшінші жыл сайынғы «Балқаш Tourfest – 2025» фестивалі болмақ.
Балқашта туризмді дамыту мақсатында сервисті жақсарту қажет. Бұл қала тұрғындары үшін де маңызды. Қалаға келген туристер түрлі қызмет көрсету нысандарын да аралайды: дүкендер, мейрамханалар, сұлулық салондары. Ермағанбет Бөлекпаев келушілерге қызмет көрсету мәдениетін арттыру қажеттігін атап өтті.
Туризмді дамыту үшін сапалы жол инфрақұрылымының да маңызы зор. Облыс әкімі көпірге апаратын қаланың кіре берісіндегі жолды кеңейтуді тапсырды, өйткені онда көліктер көп жиналады немесе қосымша белгілер қарастырылады.
— Осындай форматта жиі кездесетін боламыз. Барлық мәселелерді бірлесіп шешу қажет. Қала Қарағанды облысының туристік орталығына айналуы тиіс, — деп атап өтті Ермағанбет Бөлекпаев. — Тазалыққа ерекше назар аудару қажет – бұл да қаланың бет-бейнесі. «Таза Қазақстан» акциясына барлығы қатысуы тиіс: билік, бизнес және тұрғындардың өздері.
Жұмыс сапарының соңында облыс әкімі Бектау-Ата шатқалында болып, өңірдің жаңа туристік картасының бір бөлігі болуы мүмкін «Факел» балалар лагерінде және этноауылда болды.
