Америкалық әнші Дженнифер Лопестің Алматыдағы концертінде күтпеген сәт орын алып, әлеуметтік желіде қызу талқыланды, деп хабарлайды Todayinfo.kz.
Әлеуметтік желіде тараған видеода әншінің сахнада өнер көрсетіп тұрған кезінде көйлегіне кузнечик (шегіртке) жорғалап шығып, мойын тұсына жеткені көрінеді. Лопес әнін тоқтатпай, сабырмен жәндікті алып, сахнаның шетіне тастады.
«Ол мені қытықтап тұрды», — деп жымиып, көрерменге қарады Джей Ло.
Көрермендер оның сабырлылығын жоғары бағалап:
«Нағыз кәсіби», «Мен болса, айқайлап қашар едім», «Өте әдемі қозғалыспен сыпырып тастады» деп пікір қалдырды.
Оқиға қазақстандық желі қолданушылары арасында да әзіл мен мемдерге арқау болды. Біреулер «сол кузнечикті» 500 доллардан сатуды ұсынса, енді бірі оны «Алматыдағы екі бөлмелі пәтерге айырбастайық» деп қалжыңдады.
Тіпті Джей Ло-ның командасы да таңғалғанын жасырмады.
«Сахнада шегірткелер көп болды! Мен болсам, бір нотаның ортасында есімнен танып қалар едім. @jlo — менің қаһарманым!» — деп жазды вокалистка LaNesha Latimer Cuevas.
Бұл сәт халықаралық БАҚ-та да талқыланып, кей жанкүйерлер:
«Кейін бір сұхбатында: “Мен бірде далада концерт беріп тұр едім, үстіме кузнечик секіріп шықты” деп айтып отырады-ау» деп болжады.
