Оның айтуынша, Қостанай облысының білдей бір бас имамы ішімдік ішіп, көлік жүргізіп, қамауға алынды деген ақпарат төбесінен жай түскендей әсер еткен.
«Екі күннен бері ішім алай—дүлей. Бұл ұятты жағдайға сенгім келмейді. Бәлкім әдейі ұйымдастырлған қастандық шығар. Қымызға яки басқа бір тағамға бір нәрсе араластырып әдейі ішкізіп, сосын арнайы тапсырыспен ұстатты ма екен? Егер имамның ары таза болса, адвокат жалдап, өзін қорғауы тиіс», — дейді Жолдыбайұлы.
Сондай ақ, ол егер жағдай расталса, Бас мүфти қызметінен кетуі керек дегенді айтты.
«Ал рас болса, онда бас мүфти өз еркімен қызметінен кетуге тиіс. ҚМДБ түбегейлі рефермолануы шарт», — деп түйіндеді ойын.
Еске салсақ, күні кеше Қостанай облысының бас имамы түнгі клубтың маңында мас күйінде көлік айдағаны үшін ұсталып 15 тәулікке қамауға алынған-тын. Кешкісін ҚМДБ оның қызметтен қуылғанын хабарлады.
