Түрмеде жазасын өтеп жүріп жүкті болған әйел зорланғанын айтты, деп хабарлайды Todayinfo.
Келіншек бұл туралы “Журналистік зерттеу бюросына” сұхбат берген.
“2018 жылы Қызылордадан Шымкенттегі ИЧ 167-10 мекемесіне ауыстырылдым. Сол жерде туыстарымен кездесетін жерге мені жұмысқа тағайындады.
Сол кездері карантин басталып, мен жұмыс істеген жерге еркектер мен әйелдерді карантинге он бес күнге жатқызатын болды. Қызылордадан мұнай ұрлап істі болған Баскараев Кенжебек деген кісіні де сол жерге карантинге жатқызды.
Сол Кенжебек келгелі басыма қара бұлт үйірілді. Бір күні сол карантин жерін жинауға келгенімде Кенжебек мені күштеп зорлады.
Бұл туралы мекеме басшыларына шағымдандым. Бірақ мәселе жылы жабылды. Себебі саған “нарушение” жазамыз деп қорқытты.
Содан амалсыз олардың шартына көндім. Ал Кенжебек қалаған уақытында мені төсекке сүйреп, зорлап жүрді”,- деді ол.
Келіншек зорлықтың салдарынан жүкті болған. Бірақ баланың әкесі баласын танудан, әкелік міндетін орындаудан бас тартқан. Әйел осы оқиғаға байланысты көмек сұрады.
Фото: скрин
