Алматы, Қазақстан (19 қараша 2024) — Жақында екі қыздың анасы атанған Баян Алагөзова Дина Төлепбергенге берген сұхбатында отбасылық өмірі туралы айтты. Бұл туралы Todayinfo хабарлады.
Продюсердің айтуынша, ол ешқашан декреттік демалысқа шықпаған.
«Бала туып, үйде отыратын әйелдерді түсінбеймін. Олар үнемі шаршап жүреді», — дейді Баян.
Оның сөзінше, балалары ешқашан мазасын алмаған, түнімен ұйықтамай, жылап мазалаған емес. Екі қызын туғанда да декретте отырмаған.
Қазіргі таңда Тұрсын (Баянның күйеуі) декреттік демалыста отыр. Ол тіпті үйден шықпайды. Ал Баян екінші күні киноға түсіп кеткен.
«Тұрсын үнемі қорған болғысы келеді. Барлық әкелік қасиетін көрсетіп жатыр. Біресе әңгіме айтады, біресе әзілдеп қояды. «Олар менің әкесі екенімді білуі керек, иісімді, дауысымды тануы керек» деген уайыммен жүреді», — дейді Баян Мақсатқызы.
