Танымал продюсер Баян Мақсатқызының шетелде демалып жүрген суреттері қоғамда үлкен пікірталас тудырды. Желі қолданушылары оның бұл әрекетін жақтырмай, әлеуметтік желіде сынға алды, деп хабарлайды Тodayinfo ақпараттық порталы.
Бұған дейін Баян Мақсатқызының туған сіңлісі, әнші Бағым Мұхитденованың күйеуі Әділжан Юсуповтың қайтыс болғаны белгілі болған еді. Марқұмның қырқы өтпей жатып, продюсердің жағажайда түскен суреттері көпшілік тарапынан түсініспеушілік тудырды.
«Баян, сіздің сіңліңіз күйеуінен айырылып, қайғыға батып отыр. Әлі қырқы да өткен жоқ. Сіздің бұл әрекетіңіз қаншалықты орынды?», «Сіңліңіз қайғыдан қан жұтып отыр, өте ұят!», «Әруақтан қорықпайсыз ба?» – деп жазды желі қолданушылары.
Баян Мақсатқызы бұл сындарға жауап бермеді, алайда оның әлеуметтік желідегі белсенділігі халық назарынан тыс қалмады.
