Танымал продюсер Баян Мақсатқызы әзілкеш Тұрсынбек Қабатовтың жұбайы Мөлдір Мұқанованың туған жеріне – Торғай өңіріне сәлем салып, қазақы дәстүрге деген ілтипатын көрсетті. Бұл сәттің бейнежазбасын Мөлдір Мұқанова Instagram парақшасында жариялады,деп хабарлайды Todayinfo.
Бейнежазбада Баян Мақсатқызы:
«Мөлдірдің оқырмандарына бір сәлем. Торғайлықтар, Арқалық, Амангелді Иманов, бір сәлем. Мен негізі ылғи да сәлем саламын», – деп әзіл-шыны аралас тіл қатып, көрермендердің ықыласына бөленді.
Мөлдір Мұқанова да бұл әрекетке әзілмен:
«Байқадыңыздар ма, осы кісі менің Stories-імді көрсе, сәлем салады», – деп жазды.
Продюсердің бұл әрекеті әлеуметтік желі қолданушылары арасында кеңінен талқыланып, түрлі пікірлер жазылды:
«Байкот жасағасын Баян сәлем салып кеткен бе?»
«Сәлем салу туралы не айтқан еді, кімнің есінде?»
«Әйтеуір, сәлем салуды қабылдапты ғой»
«Мә, сәлем салу Баянға жарасып тұр. Сүйкімді боп кетті»
«Баян дұрыс жасадың. Қазақша сөйлеп, сәлем салу – үлкенге құрмет, одан кеміп қалмайсыңдар»
Айта кету керек, Баян Мақсатқызы бұған дейінгі сұхбаттарында сәлем салу дәстүрін өзіне ешкім үйретпегенін, бұл әрекетті қабылдай қоймайтынын ашық айтқан болатын. Сондықтан оның бұл жолғы әрекеті көпшілік үшін күтпеген жаңалық болды.
