Беларусьта президенттік сайлау үшін дауыс беру процесі басталды.
Сайлау учаскелерінің жұмысы
Елдегі 5 325 сайлау учаскесі таңғы 08:00-ден кешкі 20:00-ге дейін жұмыс істейді. Беларусьтің Орталық сайлау комиссиясының мәліметінше, сайлаушылар саны 6 900 504 адамды құрайды, оның ішінде алғаш рет дауыс беретін азаматтар саны 88 мыңнан астам.
21-25 қаңтар аралығында өткен мерзімінен бұрын дауыс беру барысында азаматтардың 41,81 пайызы өз таңдауын жасап үлгерген.
Сайлау тәртібі мен ережелері
- Сайлау учаскелерінде қоғамдық тәртіпті милиция қызметкерлері қадағалайды.
- Дауыс беру кабиналары ашық болады.
- Бюллетеньдерді суретке түсіруге тыйым салынған, бұл талапты бұзғандар айыппұл төлейді.
- Шетелдегі беларусь азаматтары үшін сайлау учаскелері ашылмайды. Оларға дауыс беру үшін Беларуське келу ұсынылады.
Президенттікке үміткерлер
Сайлауда тіркелген бес үміткер:
- Александр Лукашенко (70 жас)
- Беларусьтің алғашқы және қазіргі президенті.
- 1994 жылдан бері мемлекет басшысы.
- Бұған дейін алты сайлауға қатысқан.
- Олег Гайдукевич (47 жас)
- Либералды-демократиялық партияның жетекшісі.
- Беларусь парламентінің төменгі палатасының депутаты.
- Анна Канопацкая (48 жас)
- Кәсіпкер, 2016-2019 жылдары депутат болған.
- 2020 жылғы сайлауда 1,68% дауыс жинаған.
- Сергей Сыранков (41 жас)
- 2024 жылдан бері Коммунистік партияның Орталық комитетінің бірінші хатшысы.
- Бұрынғы депутат.
- Александр Хижняк (46 жас)
- 2022 жылдан бері Еңбек және әділет республикалық партиясының төрағасы.
- Минск қалалық кеңесінің депутаты.
Соңғы сайлаулар
Беларусьтегі соңғы президенттік сайлау 2020 жылы өткен болатын. Президент тікелей дауыс беру арқылы бес жылға сайланады. 2020 жылғы сайлау нәтижесінде Александр Лукашенко қайтадан президенттікке сайланды.
