Қазақстанда ЛГБТ-пропаганданы шектеуге бағытталған заң жобасына байланысты қоғамда пікірталас күшейді. Бүгін әлеуметтік желіде белсенді азамат Бағила Балтабаева атынан жарияланған үндеу кең тарап, Сенат төрағасы Мәулен Әшімбаевқа бағытталды, деп хабарлайды Todayinfo.kz ақпарат порталы.
Үндеуде автор мен оны қолдаушылар ЛГБТ-активистер тарапынан заң жобасына қарсы жасалып жатқан ақпараттық қысым күшейгенін алға тартады. Олар балаларды қорғауға бағытталған шектеулерді «қудалау» немесе «кемсіту» ретінде көрсету — манипуляция екенін атап өтті.
Бағила Балтабаева қоғам назарына:
-
ЛГБТ-идеологиясын қалыпты құбылыс ретінде таныту әрекеттері,
-
Балалардың санасына мақсатты түрде ықпал ету,
-
Эмоциялық және ақпараттық қысым жасау тәсілдері күшейгенін жеткізді.
Оның айтуынша, ұсынылып отырған түзетулер ешкімнің құқықтарын шектемейді, керісінше, мемлекеттің басты міндеті — балаларды зиянды идеологиялық ықпалдан қорғау.
Петиция авторы Сенат төрағасынан:
-
ЛГБТ-пропаганданы шектеуге бағытталған нормаларды қолдауды,
-
Ақпараттық қысым мен арандатушылыққа берілмеуді,
-
Ұлттық және отбасылық құндылықтарды қорғау бағытында табанды ұстаным сақтауды сұрайды.
«Қазақстан бөгде идеологиялық тәжірибелер сынақ алаңына айналмауы тиіс. Жасөспірімдерді қорғау – баршамыздың ортақ борышымыз», — делінген үндеуде.
Посмотреть эту публикацию в Instagram
