Фото: gov.kz
Абай облысының жаңа әкімі Берік Уәли Семей қаласындағы мектеп оқушылары арасындағы кикілжіңге қатысты жиын өткізді, деп хабарлайды Todayinfo ақпарат агенттігі.
Жиынға прокуратура, полиция департаменті, Білім басқармасы басшылары және бала құқықтарын қорғау жөніндегі уәкіл қатысты.
🔹 Оқиға бойынша сотқа дейінгі тергеу басталды.
🔹 Кәмелетке толмағандардың құқықтарын қорғау жөніндегі комиссия жанжалға қатысқан төрт оқушыны арнайы мектепке жіберуді ұсынды.
🔹 Ата-аналары бала тәрбиесіне немқұрайлы қарағаны үшін ата-ана құқығынан айыруға қатысты талап-арыз берілді.
🔹 Оқушылардың заңды өкілдері әкімшілік және қылмыстық жауапкершілікке тартылды.
🔹 Жәбірленушіге облыстық психологиялық қолдау орталығының мамандары көмек көрсетіп жатыр.
Қызметтік тексеріс және мектептердегі қауіпсіздік шаралары
Абай облысының Білім басқармасы жанынан арнайы мониторингтік топ құрылып, мектеп басшылығының жауапкершілігі қарастырылуда.
Берік Уәли болашақта осындай оқиғалардың қайталанбауы үшін алдын алу шараларын күшейтуді тапсырды:
📌 Аймақтағы барлық мектеп қатаң бақылауға алынады
📌 Құқық қорғау органдары ата-аналармен және оқушылармен түсіндіру жұмыстарын жүйелі түрде жүргізуі тиіс
📌 Мектептердің қауіп-қатер картасы жасалып, осындай жағдайларда жедел әрекет ету алгоритмі дайындалуы қажет
Сонымен қатар, облыс әкімі қызметтік тексеріс жүргізіп, жауапты тұлғаларды тәртіптік жауапкершілікке тартуды тапсырды, деп жазады 018.kz.
