Бұрынғы Ұлттық экономика министрі Қуандық Бишімбаевтың сотында алқа билерді фото, видеоға түсіруге қатысты тергеу жүргізіледі. Бұл туралы сот отырысында белгілі болды.
«Соттың тыйым салуына қарамастан, кеше БАҚ-та және әлеуметтік желілерде алқа билердің бет-әлпеті бейнеленген видео пайда болды. Сот мұны кім істегенін тексереді. Әзірге сот бұқаралық ақпарат құралдары мен жеке тұлғаларға алқа билермен кадрлары бар әлеуметтік желілердегі бейнелерді жою туралы шешім қабылдады. Тексеру нәтижелері анықталғанға дейін БАҚ өкілдері сот залынан шығарылсын», -деді судья Айжан Құлжанова.
Айта кетейік, Қуандық Бишімбаевтың сотында алқа билерді фото, видеоға түсіріп жариялауға тыйым салынған.
