Түркістан облысында ауыл шаруашылығы өнімдерін көбейту үшін кәсіпкерлерге мемлекет тарапынан қолдау көрсетіліп келеді. Сәйкесінше, бәсекелестік артып, отандық өнім өндірушілердің еңбек өнімі көбейді. Мәселен, «Қазығұрт Агро» ЖШС 2003 жылы құрылған. Мекеме егістікпен айналысып, ауыл шаруашылығы өнімдерін өсірумен айналысады және қосымша мал шаруашылығын да бірге алып келеді, деп хабарлайды Todayinfo ақпарат агенттігі.
«Бүгін Премьер-Министрдің орынбасарымен, ауданның шаруаларымен кездесіп, жанар-жағар май, тыңайтқыш жөніндегі көкейтесті сұрақтарымыздың жауабын алдық. Биыл 20 центнерден жоғары өнім аламыз деп жоспарлап отырмыз. 483 гектар егістік жер, 100 гектар жайылымдық жер және мал шаруашылығын қосқанда 954 гектар жеріміз бар. Облыста бұл салада кәсіпкерлік жақсы жолға қойылған, елдуен астам адамды тұрақты жұмыспен қамтып отырмыз, — деді «Қазығұрт Агро» ЖШС төрағасы Ержан Көбеев.
Шаруа қожалығында бүгінгі таңда 1200 бас асыл тұқымды қой, ангус түрінен 150 бас ірі қара мал бар.
Фото: скриншот
