Фото: ҚМДБ
Қазақстан мұсылмандары діни басқармасының Шариғат және пәтуа бөлімі Түркі мемлекеттері ұйымына қарасты мүфтилер алқасы жанындағы пәтуа кеңесімен ақылдаса келе, биылғы Рамазан айының басталу күнін бекітті, деп хабарлайды Тodayinfo ақпараттық порталы.
Ортақ шешімге сәйкес, қасиетті Рамазан айы 1 наурызда басталады.
Ал наурыз айының 26-нан 27-не қараған түн – қасиетті Қадір түні, ал 30 наурыз – Ораза айт мерекесі болып белгіленді.
Сонымен қатар, Қазақстан мұсылмандары діни басқармасының төралқа мәжілісінде Бас мүфти Наурызбай қажы Тағанұлының төрағалығымен пітір садақасының мөлшері анықталды. Биыл еліміз бойынша пітір садақасы екі келі ұнның орташа бағасы негізінде 655 теңге болып бекітілді.
