Батыс Қазақстан облысында педагогтарға 250 млн астам теңге үстемеақы төленбеген.
ҚР Сыбайлас жемқорлыққа қарсы іс-қимыл агенттігі БҚО бойынша департаментінің баспасөз қызметінен мәлім еткеніндей, мониторинг барысында Сырым ауданының педагогтарына 259 млн тенге көлемінде үстемеақы төлемеу фактілері анықталды.
«Азаматтық қызметшілерге мемлекеттік бюджет қаражаты есебінен ұсталатын ұйымдардың және қазыналық кәсіпорындардың қызметкерлеріне еңбекақы төлеу жүйесіне сәйкес осы тұлғаларға ерекше еңбек жағдайлары үшін лауазымдық жалақының 10 пайызы мөлшерінде үстемеақы белгілеу қажет. Алайда Сырым ауданының білім бөлімі 2020-2023 жылдар кезеңінде 26 білім беру ұйымының 1 195 қызметкеріне ерекше еңбек жағдайлары үшін лауазымдық жалақының 10 пайызы мөлшерінде жалпы сомасы 259 млн теңге көлемінде үстемеақыны төлемеген. Департаменттің араласуымен Сырым ауданының білім бөлімі тарифтік тізімге өзгерістер енгізіп, жалақыны қайта есептеді, кінәлі тұлғалар тәртіптік жауапкершілікке тартылды» деп хабарлады ведомстводан.
Еске сала кетейік, бұдан бұрын жемқорлық туралы хабарлаған БҚО-ның 4 тұрғыны 5 млн теңге сыйақы алған еді.
