Мәселені түбегейлі зерттемекке талпынған журналист Руслан Өтепбай емхана басшылығы мен комада жатқан әйелдің күйеуінен сұхбат алды. Үшінші маусымнан бері комада жатқан Толқын Әжібаеваның жары оқиғаның мән-жайды түсіндірді.
“Жағдайы ауыр. 15 минутқа жүрегі тоқтап қалған. Клиникалық өлім болған. Система салдыруға барған. Сол система салдырғанда уколға аллергия берді”, — деді Толқынның күйеуі.
Дәрігерлер әйелге “Цеф-3” екпесін салдық деп түсіндірген. Жәбірленушілердің сөзінше, дәрігерлер науқасқа “проба салдық” деп өтірік айтқан. Сараптамадан кейін, оның жалған екені анықталған.
№28 емхананың басшылығы бұл істен басын ала қашып, дәрігерлермен тікелей сөйлесуге шақырды.
“Бұл жағдайға байланысты отбасының уайымынтүсінеміз. Арнайы сараптама жасалды. Құзырлы органдарға берілді. Біз бұл шешім туралы түсініктеме беруге құқымыз жоқ. Себебі, дәрігерлік құпия дегенге байланысты деректерді тарата алмаймыз. Емхана жұмысын жалғастыруда. Әжібекова Толқынға біздің тарапымыздан барлық көмек көрсетілуде. Күндізгі стационардың дәрігері системаны тағайындаған. Анамнездің бәрін алып барып, дәріні берген”, — деді емхана бас директоры Назгүл Асанова.
Дәріні тағайынлаған дәрігер науқастың аллергияға қатысты шағымы болмағанын айтты.
«Сол кезде алғашқы болжамды диагноз “бронхит, өршу сатысы” диагнозы қойылып, соған байланысты ем тағайындалды. Анамнезін, шағымдарын жинағанда, “ешқандай аллергиям” жоқ деді. Не тағайындап жатқанымды айттым. Ақпараттық келісімге қол қойды», -дейді емхананың дәрігері.
