24 жасына дейін дені сау Айғаным Ботан дәрігерлердің қателігінен ауыр мүгедектікке ұшырады. Ол жүктілік кезінде медициналық көмекке жүгінген, алайда дәрігерлердің салғырттығы оның өмірін түбегейлі өзгертті, деп хабарлайды Todayinfo.
Сепсис пен гангрена салдарынан Айғаным аяқ-қолының ұшынан және әйелдік ағзаларынан айырылды.
«Кесір тілігінен кейін мені тағы 30 ота күтіп тұрды. Ішегім жарылып, ішкі ағзаларым жұмысын тоқтатты. Бұл аз болғандай, бүйрегіме диализ алдым. Бұл – нағыз тозақ!», – дейді Айғаным.
«Қоғамдық көлікте жүруден қорқамын»
Оның айтуынша, дәрігерлер ішіндегі гангренаны дұрыс тазаламаған. Соның кесірінен бұлшық еттері жоқ, өте әлсіз іш қабырғасы қалыптасқан.
«Біреу абайсызда қолын тигізіп кетсе, ішім жарылып кетуі мүмкін. Сондықтан қоғамдық көлікке мүлде мінбеймін. Қабылдау өте қиын…» – деп көзіне жас алды ол.
