Алматы қаласының №7 қалалық клиникалық ауруханасының дәрігерлері 77 жастағы қарт адамды инсульттің ауыр салдарларынан аман алып қалды. Жедел жәрдем мен №7 ҚКА-ның дәрігерлерінің уақытылы шақырылуы мен үйлесімді іс-қимылдарының арқасында, ауруханаға ауыр халде түскен қарт адам, операциядан кейін бір тәулік ішінде қалпына келе бастады, деп хабарлайды Todayinfo.
Пациентті Жедел жәрдем бригадасы сөйлеу қабілетінің бұзылуы, аяқ-қолдың әлсіздігі, беттің қисаюы, бәсең қозғалыс шағымдарымен шұғыл түрде жеткізді. Оның сол жағында терең гемипарез байқалды: сол қол мен сол аяқ жұмыс істемеді.
Зейнеткердің әйелі оның түнде қалыпты жағдайда ұйықтағанын, ал таңғы сағат 6:30 шамасында аяқ-қолдарының кенет әлсіздігінен кенеттен құлап қалғанын айтты. Әйел дереу қауіпті белгілерді байқап, «103»-ке хабарласқан.
Аурухананың қабылдау бөлімшесінде науқасты мультидисциплинарлық топ қарады: невропатолог, реаниматолог және тамырлы нейрохирург. Диагноз ишемиялық типтегі ми қан айналымының ауыр жіті бұзылуын растады.
Науқастың жағдайын созылмалы ишемиялық жүрек ауруы, кардиомиопатия және т.б. сияқты қосалқы аурулар қиындатты.
Өмір анамнезінен: қарт адам көп жылдар бойы артериялық гипертензиямен ауырған, артериялық қысымы жиі жоғары 180/90 дейін көтеріледі. «Д» есебінде тұрады, базалық терапияны тұрақты түрде сақтамаған. 2008 жылы қанайналымы арнасының үш тамырлық зақымдануына байланысты ота жасалды.
«Неврологиялық жағдай мен науқастың ауыр халін ескеріп, «терапиялық терезе» ішінде шұғыл эндоваскулярлық ота жасау туралы шешім қабылданды. Клиника нейрохирургтары ми тамырларының ангиографиясын және механикалық тромбэктомия жасады – бұл ми тамырларының қан айналымын қалпына келтірген тамырдан тромбты алып тастау», – деп хабарлады Алматы қаласы №7 ҚКА-ның №2 нейроинсульттік бөлімшесінің меңгерушісі Ғалымжан Кәрімов.
Хиругиялық араласудан кейін пациент одан әрі бақылау және асқынулардың алдын алу үшін жансақтау бөліміне ауыстырылды.
Операциядан кейінгі келесі күні зейнеткердің сол жақ денесінің қызметі толық қалпына келді. Оның жағдайы біртіндеп жақсарды.
«Пациенттің санасы ояу, белсенді түрде байланысқа шығады, уақыт пен кеңістікте бағдарланған. Сұрақтарға мән-жайына қарай жауап береді, тамақты өзі қабылдайды. Жүргізілген емнің аясында динамикасы оң, алдағы күндері оны шығаруға дайындап жатырмыз», — деп атап өтті емдеуші невролог-дәрігер Жазира Ағайдарова.
Жедел көрсетілген медициналық көмектің маңыздылығын айрықша атап өткен жөн.
Дәрігерлердің айтуынша, мұндай жағдайларда уақтылы медициналық көмекке жүгіну шешуші фактор рол атқарады. Инсульт белгілері бар науқас деркезінде мамандандырылған бөлімшеге түссе, соғұрлым мүгедектікке ұшырамау мүмкіндігі жоғары болады, өмір сүру сапасын сақтап қалады.
