Әнші Димаш Құдайбергеннің қарындасы Раушанның ұзатуына киген образы 11 млн 818 мың теңге тұрады. Мұны стилист Жансая Әміршәріпқызы талдап берді, деп хабарлайды Todayinfo.
Таяуда ұзатылған Димаштың жалғыз қарындасы Раушанның киген киімі отандық дизайнерлердің қолынан шыққан.
«Көйлегі — 250 мың теңге, кәжекейі — 500 мың теңге, үкілі тақиясы — 65 мың теңге, камзолы — 1 млн теңге. Ал нағыз қолөнер бұйымы, асыл тастармен көмкерілген құндыз сәукелесі -3 млн 780 мың теңге тұрады.
Әшекейлеріне келсек, шекелігі — 810 мың теңге, шаштарағы — 864 мың теңге, бесбілезігі -783 мың теңге, өңіржиек алқасы — 648 мың теңге, сырғасы — 378 мың теңге, шашбауы -850 мың 500 теңге, белбеуі — 1 млн 890 мың теңге. Сонымен барлығы- 11 млн 818 мың 500 теңге болды»,- деді стилист.
Айта кетсек, Қазақстанға белгілі әулет Құдайбергеновтердің қыз ұзатуы көпке дейін ел аузында жүрді. Нағыз қазақы салт-дәстүрді паш еткен, жоғары деңгейде ұйымдастырылған тойды көпшілік мақтады.
Фото: @raushan_kudaibergen
