Черногория билігі «НеМолчи.kz» қоғамдық қорының басшысы Дина Таңсәріні (шын аты – Динара Смайылова) қамаудан босатты. Бұл туралы Todayinfo ақпарат агенттігі хабарлайды.
«Дина босатылды! Черногория Жоғарғы соты оны экстрадициялаудан бас тартты! Баршаңызға үлкен рақмет!» – делінген қоғамдық қор жазбасында.
2024 жылғы 14 сәуірде Дина Таңсәрі Черногория полиция бөлімшесінде отырғанын айтып, бейнеүндеу жолдаған болатын. Ол 15 сәуірде экстрадиция мәселесі бойынша сот отырысы өтетінін хабарлады.
Қазақстанда құқық қорғау органдары 2023 жылдың желтоқсан айында Дина Таңсәріге қатысты алты қылмыстық іс тергеліп жатқанын мәлімдеген.
Атап айтқанда:
- Көрінеу жалған ақпарат тарату;
- Жеке өмірге қолсұғылмаушылықты бұзу;
- Екі эпизод бойынша алаяқтық әрекетке қатысы бар деген күдік.
Осы істерге байланысты оған халықаралық іздеу жарияланып, «НеМолчи.kz» қорының шоттары бұғатталған болатын.
Дегенмен, Черногория Жоғарғы сотының бұл шешімі – соңғы нүкте емес. Дина Таңсәріге қатысты процестер әлі де жалғасуы мүмкін. Алайда қазіргі таңда оның бостандыққа шыққаны қоғам тарапынан үлкен қолдауға ие болды.
Посмотреть эту публикацию в Instagram
