Танымал тележүргізуші Динара Сәтжанның анасы Ақмарал Сәтжан жарақат алып, ауруханаға түсті. Оған Астанада ота жасалып жатыр, деп хабарлайды Тodayinfo ақпараттық порталы.
«Анам – біздің жанұямыздың шырағы. Мен көз тиюге сенбеймін, бірақ ананың қуатты күші бар екеніне кәміл сенемін. Әулеттегі әйелдер – отбасының қорғаны. Өкінішке қарай, кеше анам тайып құлап, шынтағын сындырып алды. 24 ақпанда Стамбулға медициналық тексеріске баруымыз керек еді, бірақ Алланың қалауы басқаша болды», – деп жазды Динара Сәтжан әлеуметтік желідегі парақшасында.
Қазіргі таңда Ақмарал Сәтжанға хирургиялық операция жасалып жатыр. Жақындары мен жанкүйерлері оның тез сауығып кетуін тілеп, қолдау көрсетуде.
