АҚШ президенті Дональд Трамп инаугурация рәсімінен кейін қызметіндегі алғашқы жарлықтарға қол қойды. Бұл шешімдер елдің ішкі және сыртқы саясатына айтарлықтай өзгерістер енгізді.
Үкімет құрамы және лауазымдарға тағайындаулар
Президент Трамп алғашқы жарлықтарының бірі ретінде 22 министр мен кабинет деңгейіндегі басқа да шенеуніктердің тағайындалуын бекітті. Сонымен қатар, 47 орынбасар мен жоғары лауазымды қызметкер тағайындалды. Одан бөлек, уақытша 31 қызметкер мен 15 комиссия төрағалары анықталды.
Джо Байденнің шешімдерін жою
Трамп Джо Байденнің кезінде қабылданған 78 шешімді жойды. Соның ішінде Кубаны терроризмді қолдайтын елдер қатарына қайтару туралы шешім бар. Сонымен бірге, федералды ведомстволардың жаңа нормативтік актілер қабылдауын уақытша тоқтататын мораторий жариялады.
Миграциямен күрес
Трамп оңтүстік шекарада төтенше жағдай жариялап, мигранттарға қарсы күресті күшейту мақсатында жаңа құжатқа қол қойды. Бұл шешім шекараны қорғауға қосымша ресурстар мен өкілеттіктер беруге мүмкіндік береді. Бұдан бөлек, шекарада жаңа қабырға салу және мигранттарға шартты түрде азаматтық алу мүмкіндігін шектеу тапсырылды.
Помилования және қылмыстық жауапкершілік
Трамп Капитолийге шабуыл жасаған 1500-ге жуық адамды помилование жасау туралы жарлыққа қол қойды. Сонымен қатар, радикалды топтардың бірнеше мүшесінің жазалары жеңілдетілді.
Сауда саясаты және халықаралық ұйымдардан шығу
Президент АҚШ-тың Дүниежүзілік денсаулық сақтау ұйымынан (ДДСҰ) және Париж келісімінен шығатынын мәлімдеді. Оның айтуынша, бұл ұйымдар АҚШ-тың мүдделеріне сай келмейді. Сондай-ақ, Мексика мен Канададан әкелінетін тауарларға 25 пайыздық баж салығы енгізу жоспарланғанын хабарлады.
TikTok және сөз бостандығы мәселесі
Трамп TikTok-қа қойылған тыйымды 75 күнге шегеріп, қолданбаны ел ішінде реттеудің тиімді жолдарын қарастыруды тапсырды. Сонымен қатар, сөз бостандығын қорғауға бағытталған шараларға қол қойылды.
