Фото: Риа Новости
АҚШ президенті аяғы ауыр әйелдердің парацетамолды көп қабылдауы салдарынан аутизмнің күрт көбейгеніне жорамал жасаған, деп хабарлайды Todayinfo.kz
Шыны керек, шенеуніктер бұған дейінгі зерттеулерді, соның арасында Нью-Йорк пен Гарвардтағы Маунт-Синай медицина орталығының зерттеулерін қатты зерделеген. Сол себепті, олар жүкті әйелдерді тайленол дәрісін ішпеуге шақырып отыр.
АҚШ ақ жағалылары аутизмді емдеудің мықты құралы ретінде беймәлім лейковорин препаратын ұсынуға дайын. Кейбір ғалымдар лейковорин аутизмі бар балалардың сөйлеу және басқаларды түсіну қабілетін едәуір жақсартатынын растаған.
Трамп бүгін аутизм туралы сүйінші мәлімдемесін жариялады.
– Менің ойымша, мұны таңғажайып оқиға деуге болады! Біз аутизм проблемасының шешімін таптық, – деді ол.
Ал Денсаулық сақтау министрлігінің басшысы, вакцинациялауға қарсы және Wi-Fi мен 5G-дің зияны туралы конспирологиялық теориялардың жақтаушысы кіші Роберт Кеннеди аутизмді өзінің «Американы қайта сау қылайық» бағдарламасының басты бағыттарының бірі деп қарастырған.
Ол сәуір айында ғана «Біз сынақтар мен зерттеулердің ауқымды бағдарламасын бастадық, оған әлемнің түкпір-түкпірінен жүздеген ғалым қатысады. Қыркүйекке қарай біз аутизм эпидемиясына не себеп анықтаймыз және осы факторларды жоя аламыз» деген болатын.
