Кәсіпкер, меценат, Respublica партиясының тең төрағасы Сырымбек Тау бүгінгі Президенттің жолдауына қатысты пікір білдірді. Қос палатаның отырысына қатысқан кәсіпкер, Жолдауда көтерілген өзекті тақырыптарға тоқталды, деп хабарлайды Todayinfo.kz ақпарат агенттігі.
Оның сөзінше, Президент көтерген әрбір мәселе өте маңызды, елдің дамуына тікелей ықпал етеді.
«Президенттің Жасанды интелектіні дамыту бойынша жаңа министрлік құру жөніндегі бастамасы өте ұнады. Өйткені әлем күн сайын дамып жатыр, көштен қалмай ЖИ жобаларын уақытында дамыту дұрыс деп ойлаймын. Сондай-ақ, инвесторларды тарту туралы айтқаны да орынды. Өйткені инвестицияны көлемі, сапасына қарай жеңілдікте беру дұрысырақ деп ойлаймын. Сонымен қатар Мемлекет басшысы бүгінгі Жолдауда Ғылым және білім министрлігіне жүктемені көбейткені де дұрыс болды. Ғылымды жолға қою арқылы өскелең ұрпақты білімді ете аламыз», — деді Сырымбек Тау.
Тоқаев әсіресе туризм саласында бәсекелестіктің тым төмен екенін ашық айтты. Тіптен бұл салада білікті мамандарда жетіспейді.
«Содан кейін екінші деңгейлі банктер туралы айтқаны қатты ұнады. Себебі қазір банктер өте төмен несиемен алысып кетті. Үлкен жобалар тасада қалып, тек тауар сату, арзан несиенің жетегінде кеткен сияқты. Бүгінгі Президенттің басқа да үлкен жобалармен айналысыңдар дегені өте қатты ұнады.
Сондай-ақ, тағы бір айта кететін жайт туризм саласы. Біздің елімізде туризм саласы ақсап тұр, мамандар аз. Ал негізі туризм — өте көп қаржы әкелетін, табысы мол құралды бірі. Шетелдіктерге еліміздің керемет табиғатын көрсетіп, жақсы жобалар дайындау керек деп ойлаймын», — деді Respubliсa партиясының тең төрағасы Сырымбек Тау.
