Фото: ҚМА
Қаржы мониторинг агенттігі Алматы облысы Қарасай аудандық мәслихатының бұрынғы депутатына қатысты аса ірі көлемде алаяқтық және қылмыстық кірістерді заңдастыру фактісі бойынша тергеу жүргізіп жатыр,деп хабарлайды Todayinfo.
«Күдікті мемлекеттен ұрлаған 170 млн теңгені Қонаев қаласындағы казиноға жұмсаған.»Ол ауыл шаруашылығы басқармасына таңқурай көшеттерін сатып алу туралы жалған құжаттар ұсынып, 474 млн теңге субсидия алған. Бұл қаражаттың бір бөлігін жылыстату үшін жалған келісімшарттар жасаған.Ұрланған 431 млн теңге қолма-қол алынып, оның бір бөлігі бағалы қағаздарға салынды. Күдікті Алматыдан пәтер, Toyota Highlander көлігін сатып алған, — делі ҚМА ресми өкілі Ернар Тайжан.
Қазіргі уақытта бұл мүлікке және 141 млн теңге сомасындағы қаражатқа тыйым салынды. Тергеу жалғасып жатыр.
