Белгілі қазақстандық дзюдо шебері Елдос Сметов елден кетіп, Италияның көрікті Сарнико қаласына ат басын бұрды. Бұл туралы Todayinfo ақпарат агенттігі хабарлайды.
Олимпиада жүлдегері өзінің әлеуметтік желідегі парақшасында 2016 жылғы Олимпиада чемпионы, итальяндық Фабио Базилемен түскен суреттерімен бөлісті. Алдымен Милан қаласындағы әйгілі Милан соборының алдында түскен суреттері жарияланған болса, кейінірек спортшылар Сарнико қаласында еркін атмосферада кофе ішіп отырған сәттерін көрсетті.
«Бір фото – төрт Олимпиада медалі! Оның үстіне, Милан соборының фонында!» – деп жазды Сметов алғашқы суреттің астына.
Ал Базиле өзінің парақшасында «Капучино-тайм» деп жазып, Сметовпен түскен суреттерін бөлісті.
Елдос Сметовтің Қазақстаннан кетуінің себебі қандай?
Кейін белгілі болғандай, Елдос Сметов Қазақстаннан ағылшын тілін меңгеру мақсатында кетіп, қазіргі уақытта Ұлыбритания астанасы Лондонда жүр. Дзюдо федерациясы оған бұл сапарды жүзеге асыруда қаржылай көмек көрсетіп отыр.
Бұған дейін Қазақстан Дзюдо федерациясының президенті Қуанышбек Есекеев Елдос Сметовтің спорттық мансабын аяқтаған соң басқа елдің азаматтығын алу мүмкіндігіне қатысты сұраққа пікір білдірген еді. Алайда бұл мәселеге қатысты ресми ақпарат жоқ.
