Фото: liter.kz
Ұлттық статистика бюросы бүгін, 2025 жылғы 6 қаңтарда қазақстандықтардың саны туралы жаңартылған деректер ұсынды, деп хабарлайды Todayinfo порталы.
Статистикалық деректерге сүйенсек, 2024 жылғы 1 желтоқсандағы жағдай бойынша Қазақстан халқының саны 20 265 320 адамды құрады, оның ішінде:
- қала тұрғындары — 12 751 309;
- ауыл тұрғындары — 7 514 011.
Айта кетейік, еліміздегі әйелдер саны ерлерге қарағанда 462 236-ға көп:
- әйелдер — 10 363 778;
- ерлер — 9 901 542.
Статистикалық мәліметтерге сәйкес, Қазақстанда өткен жылдың қаңтар – қараша айларында 338 612 бала дүниеге келді, 121 479 адам қайтыс болды. Осылайша, халықтың табиғи өсімі 217 133 адамды құрады.
Сондай-ақ, республикаға 11 айда келгендердің саны 26 441 адамды, елден кеткендер саны — 12 096 жанды құрады. Нәтижесінде, көші-қон айырмасы — 14 345.
