Астанада Ұлы Отан соғысындағы Жеңістің 80 жылдығына орай демеушілік қаражат есебінен ұйымдастырылған мерекелік отшашу өтті, деп хабарлайды Todayinfo ақпараттық агенттігі елорда әкімдігінің ресми сайтына сілтеме жасап.
Отшашу сағат 22:00-де қаланың екі орнынан – Атырау көпірі маңынан (қалалық жағалау) және Ботаникалық саябақ аумағынан атылды. Отшашу 5 минутқа созылып, әр жерден 4 мыңға жуық мәрте атылды.
Елорда төрінде өткен отшашу ерекше халыққа қуаныш сыйлады. Мерекенің құрметіне орай ұйымдастырылған отшашуға қала тұрғындары мен қонақтары қатысты. Түрлі түсті салюттар тек балаларға ғана емес, ересектерге де әсер етті. Отшашуды тамашалауға келген адамдарың арасынан сан түрлі ұлттың өкілдерін көруге болады. Бұл көріністер көпұлтты Қазақстандағы ұлтаралық татулықтың, бейбіт өмірдің бейнесі саналады. Ұлттар мен ұлыстардың татулығын арттырып, береке бірлігін сақтау жолында бұндай шаралар үнемі жалғаса бермек.
Мерекелік отшашу Жеңіс күніне арналған ауқымды іс-шаралар бағдарламасының бір бөлігі болды. Елордада барлығы 100-ден астам түрлі іс-шара, оның ішінде концерттер, қойылымдар, ғылыми конференциялар, мектептердегі тәрбие сағаттары және басқа да патриоттық шаралар өтіп жатыр.
