коллаж: todayinfo.kz
АҚШ-та жарыс кезінде мойын омыртқасын сындырып, ауыр халге түскен дзюдошы Жасұлан Жұмағалидың туған ағасы, журналист Құрманбек Жұмағали жұртқа үндеу жасады, деп хабарлайды todayinfo.kz.
«Інім Жасұлан жарыс кезінде ауыр жарақат алып, шұғыл ота жасалды. Аллаға шүкір, ота сәтті өтті, бүгін есін жиып, сөйлестік. Бірақ әзірге денесін қимылдата алмайды. АҚШ-та емделіп жатыр, елге әкелуге жағдайы келмейді», – деді ол.
Құрманбектің айтуынша, жарақат салдары өте ауыр, ал толық оңалуға кемі бір жыл уақыт пен үздіксіз ем қажет. Емдеу мен оңалтуға кететін шығын – 500 мың АҚШ долларына жуық.
«Інім – төрт баланың әкесі. Жұбайы – студент. Жасұлан өзі де әрдайым өзгелерге көмек қолын созып жүретін жомарт жан. Қазір оның өзі көмекке зәру. Көмектесем деген жандар болса, төменде көрсетілген реквизиттер арқылы шама-шарқынша қолдау көрсете алады. Баршаңызға алғысымыз шексіз», – деді журналист.
