«BTS» тобының әншісі Ким Сокджинді іс-шаралардың бірінде тамағынан сүйіп алған 50 жастағы әйелді кәріс полициясы тергеп жатыр, деп хабарлайды Todayinfo.
Шетелдік ақпарат көздерінің мәліметінше, әйел әншіге жыныстық харрасмент жасады деп айыпталған. Күдікті тергеуге келмей отыр.
2024 жылы Сеулде Джин лақап атымен танымал әнші Ким Сокджин әскерден қайтып келген соң «BTS» тобынан кететінін жариялап, әрі топтың 11 жылдығын тойлап, жанкүйерлерін құшақтап қоштасқан. Мыңға жуық адам қатысқан шарада әйел адам кенеттен әншіні құшақтап, сүйіп алады. Оқиғаның видеосы лезда тарап, көпшіліктің сынына ұшыраған.
Әйел өзінің желідегі блогында «Ерінімді тамағына тигіздім. Оның терісі сондай нәзік» деп жазған.
Айта кетсек, 2013 жылы құрылған «BTS» кәріс әншілерінің тобы әлемдік сахнаның жұлдызына айналған.
